آئی ایم سی بی سہالہ میں یوم آزادی کی پروقار تقریب

اسلام آباد: اسلام آباد ماڈل کالج فار بوائز (آئی ایم سی بی) سہالہ میں پاکستان کا 79واں یوم آزادی نہایت جوش و جذبے سے منایا گیا۔

کالج کے احاطے میں پرچم کشائی کی تقریب منعقد کی گئی۔ پرچم کشائی کے بعد اساتذہ نے بلند آواز سے قومی ترانہ پڑھا۔

اس تقریب میں وائس پرنسپل پروفیسر فرحان اعظم صاحب (انتظامی امور)، وائس پرنسپل پروفیسر مقصود اقبال ناصر صاحب (تعلیمی امور) سمیت تمام تدریسی اور غیر تدریسی عملے نے شرکت کی۔

قومی پرچم فخر کے ساتھ لہرایا گیا، جس کے بعد پاکستان کی سلامتی، یکجہتی، ترقی، خوشحالی اور بقا کے لیے خصوصی دعائیں کی گئیں۔

اس مبارک موقع پر فیکلٹی ممبران نے اپنے پیارے وطن کی 79ویں سالگرہ کے موقع پر خوبصورت کیک بھی کاٹا۔ کالج کے تمام ممبران نے بھرپور حب الوطنی کے جذبے کے ساتھ شرکت کی۔